Аддзяленне 326/31 філіяла № 326 ААТ “ААБ Беларусбанк”, якое зараз размешчана на рынку “Юбілейны”, у хуткім часе зменіць прапіску.
Па ініцыятыве старшыні праўлення ААТ “Беларусбанк” Н.А. Ермаковай будаўніцтва новага будынка пачнецца па вуліцы Лермантава (паварот на бальніцу). У ім плануецца размясціць чатыры аперацыйныя месцы, кабінет начальніка, больш прасторным і зручным стане памяшканне для кліентаў.
Новы дызайн і сучаснае абсталяванне – гэта бліжэйшае будучае аддзялення 326/31. Сродкі на гэтыя мэты выдзяляе галаўное прадпрыемства ААТ “ААБ Беларусбанк”.
Таксама для зручнасці кліентаў да Дня беларускага пісьменства ў горадзе будзе ўстаноўлены яшчэ адзін банкамат “Беларусбанка”.
Вольга БЕЛАШ.