Драўляныя, жалезабетонныя, цагляныя, з профнасцілу, прыроднага каменю… Якія толькі агароджы не сустрэнеш каля прыватных дамоў на вуліцах нашага горада і раёна. Яркія, з узорамі, разьбяныя, рознакаляровыя, яны адразу кідаюцца ў вочы.
Плот – гэта своеасаблівае прывітанне гаспадара дома, таму ў апошні час стала папулярным не проста ўзводзіць «кітайскую сцяну», а ставіць арыгінальныя агароджы.
Канешне, многія з іх каштуюць дорага і не ўсім па карману, але часта платы з самага звычайнага матэрыялу, роўныя і пафарбаваныя, выглядаюць нічым не горш.
А вось калі загарадзь каля дома «ляжыць» – гэта нікуды не варта. Не трэба чакаць прадпісанняў ці таго, што нехта прыйдзе і ўстановіць новы плот.
Малаток, цвікі, фарба – падраўнялі, «ажывілі» – прыгажосць уласная і карысць агульная.
На гэтай старонцы прадстаўлены толькі некаторыя дагледжаныя ўласнікамі дамоў агароджы, якія трапілі ў аб’ектыў нашага фотаапарата ў час паездак па раёну.
Падказвайце нам яшчэ адрасы, мы з задавальненнем прыедзем, зробім здымкі і змесцім у газеце.
Фота Наталлі ЧЭКАН.