Родная і такая мілагучная мова. Яна скарб, наша гісторыя. А наколькі добра мы ведаем беларускую мову? Вось і высветлім.
У гэтым дапаможа праект раёнкі «Размаўляем па-беларуску з настаўнікамі». Усё проста: мы прыдумалі віктарыну, якая будзе складацца з 10 пытанняў (у асноўным яны будуць накіраваны на арфаграфію, значэнне слоў і пераклад). На пытанні нам адкажуць настаўнікі беларускай мовы і літаратуры Хойнікшчыны. Зразумела, толькі правільна. І заадно вы, сябры, падключайцеся і правярайце свае веды. Унізе глядзіце адказы. Адкрывае наш праект маладая настаўніца другой гарадской школы Анастасія Чэкан. Дарэчы, цяжкасць у яе ўзнікла ўсяго з адным пытаннем.
Якое ж любімае беларускае слова ў Анастасіі Аляксандраўны? Прызналася, што «каханне».
1. Растлумачце сэнс фразеалагізма «гарадзіць плот»:
а) гаварыць глупства;
б) займацца чымсьці небяспечным;
в) гэта доўгая і вельмі сумная праца.
2. Што азначае валкаваць?
а) зграбаць скошанае сена ў валкі;
б) варажыць;
в) імкліва бегчы.
3. Снежная прастора, дзе няма слядоў, дзе ніхто не ездзіў, гэта…
а) цаліна;
б) цалік;
в) цэлік.
4. Дзе няправільна?
а) а пятай гадзіне;
б) падобны на брата;
в) ажаніцца на дзяўчыне.
5. Выберыце слова, якое запісана правільна:
а) атчыніць;
б) улей;
в) асцярожны.
6. Замест кропак патрэбна ўставіць літару «э»:
а) орд..н;
б) д..сант;
в) у абодвух выпадках.
7. Ведаеце, што такое «ночвы»?
а) лёгкае адзенне для сну;
б) прадаўгаватая драў-ляная або металічная пасудзіна для мыцця бялізны і іншых гаспадарчых патрэб;
в) перыяд спячкі ў вожыкаў.
8. Вызначце род назоўнікаў гну, поні, шымпанзэ:
а) мужчынскі;
б) ніякі;
в) жаночы.
9. Як перакладаецца з рускай на беларускую мову «сковородка»?
а) шаршатка;
б) патэльня;
в) копанка.
10. Чулі значэнне слова «клёк»?
а) крык жураўлінага кліка;
б) розум, развага;
в) гліняная ёмістасць для прарошчвання насення.
Адказы: 1-а; 2-а; 3-б; 4-в; 5-в; 6-в; 7-б; 8-а; 9-б; 10-б.
Сябры, калі вы справіліся з усімі пытаннямі – вы малайчыны! Калі правільна адказалі толькі на палову – вам трэба падцягнуць свае веды, але ж вы ўсё роўна малайчыны. Астатнія проста ставяць сабе «+» у карму за пройдзеную віктарыну.
Падрыхтавала Вікторыя МАРОЗ.
Фота аўтара.