Адкрыты Кубак Хойніцкага раёна па міні-футболу сярод сельскіх аматарскіх каманд прайшоў у рамках Адзінага тыдня масавага футбола. Матчавыя сустрэчы праходзілі на стадыёне “Школьны” вёскі Судкова.
У спаборніцтвах прынялі ўдзел каманды “Алімпійцы” (Храпкаў), “КлюФ” (Судкова), “Лідэр” (Казялужжа). Перамога засталася на баку каманды “КлюФ”, у склад якой уваходзілі Сяргей Герасімовіч, Аляксандр Коваль, Аляксандр Сачанка, Ігар Валяваты, Сяргей Садчанка, Сяргей Базулька, Аляксандр Андрэеў.
Каманды-удзельніцы ўзнагароджаны дыпломамі БРСМ, пераможцы атрымалі ад аддзела па справах моладзі райвыканкома каштоўныя падарункі.
Д. ВАСЮК,
дырэктар ДУ “Хойніцкі раённы фізкультурна-спартыўны клуб”.