Дастойна выступіла на чэмпіянаце Рэспублікі Беларусь па спартыўнаму скалалажанню, які праходзіў у г. Гомелі, зборная каманда Хойніцкага раёна, у склад якой уваходзілі гурткоўцы ДПТВ-183.
Асабліва вызначылася Святлана Рудакоўская, якая ва ўзроставай групе 1993-94 г.н. заняла першае месца.
Скалалажанне – адносна малады від спорту ў нашай краіне, і высокі ўзровень падрыхтоўкі хойніцкіх спартсменаў дае надзею на новыя перамогі і дастойныя выступленні на рэспубліканскім узроўні.
* * *
На абласных індывідуальна-камандных спаборніцтвах па велатурызму “Званы Чарнобыля” гурткоўцы ДПТВ-183, якія прадстаўлялі Хойніцкі раён, занялі ганаровае трэцяе каманднае месца.
Спаборніцтвы праходзілі па дзвюх дысцыплінах: спартыўнае арыентаванне па перасечанай мясцовасці на веласіпедах і фігурнае ваджэнне веласіпеда. У апошняй дысцыпліне хайнічанка Віта Бордак заняла другое месца ў індывідуальным заліку.
А. ХАРЭЦКІ,
кіраўнік гуртка па
турысцка-прыкладному мнагаборству ДПТВ-183.
