Мерапрыемства, якое прайшло ў межах акцыі “Беларусь без пажараў” , выклікала ў выхаванцаў дзіцячага сада № 1 непамерную цікавасць і буру станоўчых эмоцый. У госці да іх завіталі выратавальнікі – супрацоўнікі раённага аддзела па надзвычайных сітуацыях.
Інспектар групы прапаганды і навучання РАНС М.У. Сёмава правяла гутарку, у час якой дзеці даведаліся па якіх прычынах можа адбыцца пажар, выказалі свае меркаванні наконт таго, якім павінен быць сапраўдны пажарны, вучыліся выклікаць выратавальнікаў па тэлефоне.
Затым рабяты прынялі ўдзел у эстафеце “Тушэнне пажару”. Хаця полымя было ўмоўным, эмоцыі ўдзельнікаў мерапрыемства былі сапраўднымі. Усе дзеці атрымалі пасведчанне юнага пажарнага-выратавальніка.
У канцы сустрэчы быў праведзены паказ выратавальнай тэхнікі. Рабятам дазволілі пасядзець у кабіне спецаўтамабіля.
Ірына НОВІКАВА.