У Казялужскай сярэдняй школе прайшоў майстар-клас для намеснікаў дырэктараў па выхаваўчай рабоце агульнаадукацыйных школ.
У праграме, якую падрыхтавалі педагогі і вучні школы, былі прадэманстраваны фрагменты розных мерапрыемстваў. Сярод іх: “Школа асцярожнасці”, “Берагоша і яго сябры”, “Краіна любові да кнігі”. Свае здольнасці прадэманстравалі члены гуртка “Шахматы”, спартыўныя магчымасці паказалі ў спартландыі “Мама, тата, я – спартыўная сям’я”. Таксама перад гасцямі разгарнулі прэзентацыю і ролік аб школе, яе вучнях і настаўніках, выстаўку творчых работ дзяцей.
Усе ўдзельнікі мерапрыемства атрымалі адзнаку “выдатна”. Гасцям уручылі сувеніры, зробленыя дзецьмі ў тэхніцы “цестапластыка”.
