Стаў вядомым расклад абласнога першынства па футболу ў заходняй зоне вобласці, у якой разам з хойніцкімі футбалістамі выступаюць каманды Ельска, Жыткавіч, Петрыкава і Акцябрскага. Нагадаем, што ў двух першых турах хайнічане ўступілі ў Ельску (1:3) і на сваім полі 20 чэрвеня згулялі ўнічыю 2:2 з камандай Жыткавіч.
Самае крыўднае, што госці ў гэтым матчы зраўнялі рахунак пад самую яго заслону – усяго за некалькі хвілін да фінальнага свістка.
Дзве заключныя гульні першага круга нашы землякі правядуць спачатку 27 чэрвеня ў Акцябрскім, а потым на сваім полі (стадыён ДПТВ-183) 11 ліпеня згуляюць з камандай Петрыкава.
Пачатак сустрэч у 15 гадзін.
Віктар НАЗАРАНКА.
