У лютым было прынята рашэнне аб будаўніцтве па вуліцы Калесніка (паварот на бальніцу) райцэнтра новага будынка аддзялення філіяла “Беларусбанка”.
Генеральным падрадчыкам выступае Калінкавіцкая ПМК-101 (трэст “Палессебуда” г. Мазыра). Пад кіраўніцтвам прараба А.Р. Бойка будаўнікі вырылі катлаван і пачалі закладку фундамента новага будынка. Работы па каналізацыйных сетках, вода- і цеплазабеспячэнню будуць праводзіцца сіламі ДП “Хойніцкі камунальнік”. Фінансаванне будаўніцтва ажыццяўляецца з уласных сродкаў галаўнога прадстаўніцтва “Беларусбанка”.
Як расказаў вядучы спецыяліст адміністрацыйна-гаспадарчай службы філіяла № 326 ААТ “ААБ Беларусбанк” М.В. Макаранка, новае памяшканне разлічана на тры аперацыйныя месцы, там жа будзе кабінет загадчыка аддзялення, а таксама прасторная і зручная зала для кліентаў. Дызайн памяшкання будзе вытрыманы ў карпаратыўных колерах банка.
Абавязкова з’явіцца пандус, а прылягаючая тэрыторыя будзе добраўпарадкавана. Банкамат таксама зменіць прапіску і размесціцца ў сцяне новага будынка.
Алена ПРЫХОДЗЬКА.