Як пісаў Максім Багдановіч, працавітая пчала ўмее сабраць мёд і з горкіх кветак. Іншымі словамі гаворачы, усім кіруе сіла жадання. Выдатнае пацвярджэнне гэтаму – прыгажосць каля першага пад’езда дома № 2б па вул. 70 год Кастрычніка райцэнтра, створаная Наталляй Уладзіміраўнай Будковай. Сціплая жанчына сваімі залатымі рукамі ператварыла звычайную прыдамавую тэрыторыю ў аазіс чысціні.“Сапраўдны гаючы бальзам для душы,” – захапляюцца яе стварэннем суседзі. І гэта на самай справе так.
Раслінная галерэя размясцілася каля пад’езда. Ружы, астры, хрызантэмы, канны гарманічна спалучаюцца з агароднінай. Захоўваць гэту прыгажосць пенсіянерцы Наталлі Уладзіміраўне дапамагае муж Пётр Сямёнавіч. У гэтыя спякотныя дзянькі яны займаюцца выратаваннем сваёй каштоўнасці: вырабляюць папяровыя каўпачкі і апранаюць іх на кветкі, перыядычна паліваюць іх.
Наталля ЧЭКАН.
