Сёлета 51 маладым спецыялістам папоўнілася настаўніцкая армія Хойнікшчыны. З першага верасня, прымяняючы на практыцы веды, атрыманыя ў сярэдніх і вышэйшых навучальных установах, яны пачнуць сеяць разумнае, добрае, вечнае, каб дзеці розных узростаў выхоўваліся адукаванымі, культурнымі людзьмі.
А пакуль да стартавай прафесійнай прамой засталося менш чым два тыдні, маладых педагогаў уводзілі ў курс спраў вопытныя настаўнікі.
Знаёмства з дружным настаўніцкім калектывам раёна адбылося ў ходзе традыцыйнай сустрэчы з маладымі спецыялістамі ў актавай зале СШ № 3. У адрас малодога папаўнення гучала мноства слоў наказу, пажаданняў, карысных парад ад прадстаўнікоў аддзела адукацыі райвыканкома: яго начальніка Л.Ф. Кулакоўскай, галоўнага спецыяліста С.Ц. Добуш, загадчыцы метадычнага кабінета Р.Я. Кажамякінай і начальніка аддзела арганізацыйна-кадравай работы райвыканкома Л.В. Ермаковай.
Наталля ЧЭКАН.