Сяргей Гайдукевіч адмовіўся ад далейшага ўдзелу ў кампаніі па выбарах Прэзідэнта Беларусі. Заява аб зняцці яго кандыдатуры паступіла 8 кастрычніка ў Цэнтральную камісію па выбарах і правядзенню рэспубліканскіх рэферэндумаў, паведаміў сакратар ЦВК Мікалай Лазавік. Паводле яго слоў, матывацыя гэтага рашэння ў заяве не названа.
Аб такім жа рашэнні нядаўна заявіў другі прэтэндэнт – пенсіянер Пётр Барысаў. У перадвыбарнай гонцы застаецца 15 удзельнікаў.
Мікалай Лазавік растлумачыў, што згодна з заканадаўствам кожны з кандыдатаў мае права на любым этапе выбарнай кампаніі зняць сваю кандыдатуру і адмовіцца ад намеру балаціравацца на прэзідэнцкі пост.
БЕЛТА.