У калектыве раённага аддзела па надзвычайных сітуацыях, узначальваемага В.В. Сацура, працуюць смелыя і рашучыя людзі, верныя прысязе і Айчыне. Работнікі супрацьпажарнай аховы ў любы час дня і ночы заўсёды на пасту, па першаму сігналу гатовы працягнуць руку дапамогі, каб абараніць, выратаваць ад вогненнай стыхіі. Шматгадовы вопыт, дысцыплінаванасць і мужнасць дазваляюць супрацоўнікам службы хутка прымаць найбольш аптымальныя ў экстрэмальных умовах рашэнні. Усім, без выключэння, нашым работнікам уласцівы высокі прафесіяналізм, адданасць сваёй справе, адказнасць і мужнасць.
Кругласутачна нясуць вахту па ліквідацыі пажараў 20 супрацоўнікаў нашага аддзела. Гэта работнікі пажарнай аварыйна-выратавальнай часці г. Хойнікі і чатырох пажарных аварыйна-выратавальных пастоў у вёсках Казялужжа, Звяняцкае, Дуброва, Вялікі Бор. Паспяхова працуе над прафілактыкай і папярэджваннем пажараў і іншых надзвычайных сітуацый інспекцыя Дзярпажнагляду на чале з А.І. Грыгаровічам, інспектарамі тут служаць М.В. Чэкан і А.П. Лазовік. Аператыўна-тактычны блок курыруе намеснік начальніка аддзела В.В. Ажэрэдаў. Намеснікам начальніка аддзела па тылу У.А. Васільевым у сённяшніх няпростых умовах многае робіцца па рамонту і рэканструкцыі ПАВЧ г. Хойнікі.
І, канешне ж, не магу не назваць тых людзей, якія працуюць непасрэдна ў службе пажаратушэння. Гэта вадзіцелі В.Л. Міхаленка, А.А. Рожын, Р.В. Нячаеў, М.У. Харошка, У.А. Кузьменка, С.В. Гушча, С.В. Прыходзька, С.У. Ушак, У.Ф. Афанасенка; старшыя пажарныя, камандзіры аддзяленняў А.У. Кравец, Д.І. Протчанка, А.Л. Кетнер, С.А. Содаль, М.Ю. Ярашэнка, С.А. Добыш, М.М. Жураўскі, В.І. Казачэнка; супрацоўнікі, якія заняты абслугоўваннем працэсу пажаратушэння – дыспетчар цэнтра аператыўнага кіравання А.А. Бяспалы, старшы майстар газа- дымаахоўнай службы П.У. Жмыхаў, старшы майстар сувязі В.А. Дзенісенка, старшы вадзіцель Г.А. Сацура.
Не службай адзінай жыве наш калектыў. Мы ганарымся поспехамі нашых спартсменаў-пажарных: па выніках «Спартакіяды-2010» сярод калектываў фізкультуры раёна наш аддзел заняў другое каманднае месца. А ў абласным конкурсе прафесійнага майстэрства «Лепшы начальнік змены» добры вынік паказаў А.В. Шутаў, заняўшы сярод калег чацвёртае месца.
В. ТУПІЦА, намеснік начальніка РАНС па ідэалагічнай рабоце і кадраваму забеспячэнню.
