На станоўчы вынік працаваць разам

Асноўным пытаннем парадку дня пашыранага пасяджэння камісіі па справах непаўналетніх райвыканкама пад старшынствам старшыні камісіі, намесніка старшыні райвыканкама Ж.М. Чарняўскай з’явіўся разгляд стану прапарушэнняў, злачынстваў сярод непаўналетніх за 9 месяцаў 2011 года. Прынята да ведама інфармацыя начальніка інспекцыі па справах непаўналетніх РАУС А.В. Лобана і намесніка старшыні па справах непаўналетніх райвыканкама А.С. Содаль.

Адзначалася, што работа па прафілактыцы безнагляднасці і правапарушэнняў сярод непаўналетніх будуецца ў адпаведнасці з дзеючым заканадаўствам, комплексным планам мерапрыемстваў па прафілактыцы безнагляднасці і правапарушэнняў на 2011-2013 гады, галіновымі планамі раённых служб. У сакавіку і жніўні сёлета гэтае пытанне разглядвалася на пасяджэннях раённага выканаўчага камітэта.

За 9 месяцаў праведзена 19 пасяджэнняў камісіі па справах непаўналетніх (2010 г. – 23), у тым ліку выязных – 6 (летась – 3), разгледжана 280 спраў (2010 г. – 246) у адносінах 136 непаўналетніх. У адносінах бацькоў за невыкананне абавязкаў па выхаванню дзяцей, што пацягнула здзяйсненне непаўналетнімі ва ўзросце да 16 гадоў дзеянняў, утрымліваючых прыкметы адміністрацыйнага правапарушэння або злачынства, разгледжана 35 (2010 г. – 33) пратаколаў. Усе матэрыялы разгледжаны з удзелам бацькоў, якія папярэджаны аб адказнасці, сем’і пастаўлены на кантроль.

Зыходзячы са статыстычных даных, за студзень-верасень 2011 года на тэрыторыі нашага раёна непаўналетнімі здзейснена, як і летась, 18 злачынстваў з удзелам 21 непаўналетняга. Прэваліруюць крадзяжы – 16 выпадкаў, летась – 11.

 Кіраўнікам агульнаадукацыйных устаноў раёна ўказана на правядзенне мэтанакіраванай асветніцкай работы сярод навучэнцаў, праводзіць з бацькамі гутаркі па прафілактыцы правапарушэнняў, бяспекі руху і эксплуатацыі транспарту: у тры разы павялічылася колькасць непаўналетніх, затрыманых без правоў кіравання аўтамабілем. А гэта азначае, што вынікі могуць быць самыя непрадказальныя.

Зацікаўлена абмяр-коўвалі прысутныя на камісіі пытанне па рэалізацыі Дэкрэта Прэзідэнта Рэспублікі Беларусь ад 24 снежня 2006 года №18 «Аб дадатковых мерах па дзяржаўнай абароне дзяцей у неспрыяльных сем’ях». Усе зыходзіліся на адным – трэба працягваць сумесную работу з тым, каб колькасць сем’яў, якія знаходзяцца  ў сацыяльна-небяспечным становішчы, змяншалася. І ў сувязі з тым, што асноўнай прычынай дзіцячай неспрыяльнасці з’яўляецца п’янства бацькоў, прыкласці намаганні для таго, каб пазбавіць іх гэтай шкоднай звычкі. У адзіночку справіцца немагчыма, гэта трэба рабіць разам.

На пасяджэнні камісіі былі агучаны вынікі паступлення выпускнікоў нашага раёна 2010-2011 года ў сярэднія і вышэйшыя навучальныя ўстановы. У гэтым пытанні маюцца пэўныя поспехі, як і раней, большасць выпускнікоў жадаюць набываць педагагічныя спецыяльнасці.

Клаўдзія БОСАК.