Пастановай ЦВК і СНК БССР «Аб далучэнні да БССР Рэчыцкага і Гомельскага ўездаў былой Гомельскай губерніі РСФСР» ад 8 снежня 1926 г. «… усе валасныя выканаўчыя камітэты былых Гомельскага і Рэчыцкага ўездаў пераўтвараюцца ў раённыя выканаўчыя камітэты Гомельскай і Рэчыцкай акруг БССР і працягваюць працаваць на займаемых імі тэрыторыях». Згодна з гэтай пастановай на месцы Хойніцкай воласці створаны Хойніцкі раён. (Звесткі Гомельскага дзяржаўнага архіва на падставе даведніка «Адміністрацыйна-тэрытарыяльнае ўстройства БССР», т. 1 (1917-1941 г.г) – Мн., 1985, стар. 67-68).
Гэтыя кадры вучылішча пачало рыхтаваць па шырокай праграме.
Толькі за пасляваенны перыяд падрыхтавана 254 брыгадзіры трактарных брыгад, 3500 трактарыстаў, 1500 трактарыстаў-машыністаў шырокага профілю і больш за 1200 спецыялістаў меліярацыйнай тэхнікі, 1150 шафёраў.
Сотні выпускнікоў вучылішча за час яго існавання сталі перадавікамі сельскагаспадарчай вытворчасці ў кожным раёне, вобласці і ў рэспубліцы, у многіх гаспадарках Казахстана.
Знакаміты механізатар рэспублікі, дэпутат Вярхоўнага Савета БССР У.П. Кот закончыў Рудакоўскае вучылішча ў 1952 годзе. Атрыманыя веды, упартая і мэтанакіраваная праца далі магчымасць стаць не толькі механізатарам шырокага профілю, але і набыць агранамічныя навыкі. У.П. Кот штогод сустракаўся з навучэнцамі вучылішча, дзяліўся вопытам сваёй работы. Менавіта вучоба ў гэтай навучальнай установе стала для Уладзіміра Паўлавіча першай прыступкай да ўсенароднага прызнання: у 1966 годзе У.П. Кот, ураджэнец вёскі Варацец, атрымаў званне Героя Сацыялістычнай працы – першым у нашым раёне. Так высока былі ацэнены яго сумленная праца і дасягнутыя поспехі на пасадзе брыгадзіра трактарнай брыгады калгаса «Кастрычнік» за павелічэнне вытворчасці і нарыхтовак бульбы, агародніны, садавіны.
У вучылішчы выхоўваліся перадавы механізатар Калінкавіцкага раёна У.М. Караед, старшыня калгаса «Ленінскі шлях» В.М. Гапоненка, трактарысты саўгаса «Стралічава» А.А. Юдчанка і В.М. Федчанка і многія іншыя.
Для падрыхтоўкі механізатараў сельскай гаспадаркі дзяржава штогод выдзяляла вялікія сродкі. Толькі ў 1966 годзе бюджэт вучылішча складаў 425 тысяч рублёў.
У вучылішчы, акрамя вучэбных класаў, было 8 лабараторый, вялікая колькасць тэхнікі, у тым ліку трактараў і аўтамашын розных марак. Выкладчыкамі і майстрамі вытворчага навучання працавалі вопытныя спецыялісты, сярод іх заслужаны работнік прафтэхадукацыі БССР А.І. Крывашэеў, В.А. Данчанка, В.М. Нямковіч, Г.С. Хліманкоў, І.І. Бондар.
Рудакоўскае вучылішча было расфарміравана ў верасні 1986 года па прычыне катастрофы на Чарнобыльскай АЭС. Частка матэрыяльнай базы была перададзена хойніцкаму прафтэхвучылішчу, а таксама аналагічным установам Касцюкоўкі і Прыбара Гомельскай вобласці.
Падрыхтавала Клаўдзія МІКАЛАЕВА.