9 ліпеня 2012 года на пасяджэнні прэзідыума Гомельскага абласнога Савета дэпутатаў і Гомельскага абласнога выканаўчага камітэта прынята рашэнне № 73/740 «Аб стварэнні акруговых выбарчых камісій па выбарах дэпутатаў Палаты прадстаўнікоў Нацыянальнага сходу Рэспублікі Беларусь пятага склікання». Згодна з ім у склад камісіі Хойніцкай выбарчай акругі № 47 (месца знаходжання камісіі: г. Хойнікі, вул. Савецкая, 86, тэл.: 2-11-98, 2-21-33) увайшлі І.Ф. Астапенка, У.М. Бордак, В.С. Васькевіч, С.Д. Гапоненка, В.І. Грынь, Т.У. Кудрыцкая, М.І. Кузьменка, Л.Ф. Кулакоўская, В.А. Лепкін, С.М. Пархомец, М.Р. Сцешыц, Л.У. Толмач, І.Р. Хорсун.
У ходзе адкрытага галасавання старшынёй камісіі абрана начальнік аддзела адукацыі Хойніцкага райвыканкама Кулакоўская Людміла Фёдараўна, намеснікам старшыні – старшы інспектар Хойніцкага РАУС Гапоненка Святлана Дзмітрыеўна, сакратаром – галоўны спецыяліст аддзела архітэктуры, будаўніцтва, ЖКГ і па праблемах ліквідацыі наступстваў аварыі на ЧАЭС Хойніцкага райвыканкама Кудрыцкая Таццяна Уладзіміраўна.
На пасяджэнні зацверджаны каляндарны план арганізацыйных мерапрыемстваў па падрыхтоўцы і правядзенню выбараў дэпутатаў, зацверджаны графік работы акруговай выбарчай камісіі Хойніцкай выбарчай акругі № 47 па выбарах дэпутатаў Палаты прадстаўнікоў Нацыянальнага сходу Рэспублікі Беларусь пятага склікання: буднія дні – з 10.00 да 14.00, з 15.00 да 19.00; субота – з 10.00 да 14.00, нядзеля – выхадны.