Колькасць пярвічак узрасла
Рэспубліканскае грамадскае аб’яднанне «Белая Русь» згуртоўвае неабыякавых да лёсу сваёй Радзімы людзей. Яго ініцыятыўныя актывісты штогод добрымі справамі спрыяюць росквіту роднай зямлі. Праводзіцца шэраг патрыятычных і спартыўных мерапрыемстваў, прапагандысцкіх праграм і сустрэч, якія радуюць станоўчымі вынікамі, у тым ліку актыўным ростам колькасці членаў «Белай Русі».
Так, у мінулым годзе ў нашым раёне створаны тры новыя пярвічныя арганізацыі. Рады аб’яднання папоўнілі прадстаўнікі працоўных калектываў ДЭУ-45 (уступіла 4 чалавек), тэрытарыяльнага цэнтра сацыяльнага абслугоўвання насельніцтва (39 чалавек) і райвыканкама (35 чалавек).
Усяго ж актывістамі раённай арганізацыі ГА «Белая Русь» сёння з’яўляюцца 218 хайнічан. Прымаючы ўдзел у рабоце аб’яднання, яны рэалізоўваюць свой творчы патэнцыял і працуюць на ўмацаванне беларускай дзяржавы.
Да таго ж, гэтае аўтарытэтнае грамадскае аб’яднанне дапамагае жыхарам раёна ў вырашэнні надзённых праблем. Летась зарэгістравана 14 зваротаў грамадзян на «гарачыя лініі», усе пытанні вырашаны.
Наталля ЧЭКАН.