Кепскае надвор’е не ўтрымала хайнічан дома ў мінулыя выхадныя. Каля гарадскога цэнтра культуры разгарнулася гулянне. Хто ішоў на бліны, а хто і пеўніка зняць са слупа. У гэтым годзе галоўнымі прызамі на святкаванні Масленіцы разам з хатняй птушкай стала бытавая тэхніка, цацкі, пасцельная бялізна і многае іншае.
Вясёлы карагод, сімвалічнае спальванне пудзіла, частаванне блінцамі, а таксама спартыўныя спаборніцтвы па армрэстлінгу і шахматах – чаго толькі не было на провадах зімы.
І ўсё гэта пад бадзёрыя спевы артыстаў самадзейнасці амаль усіх культурных устаноў раёна. На канцэрце дэбютаваў дзіцячы вакальны ансамбль «Жавароначкі» пад кіраўніцтвам загадчыка аўтаклуба аддзела культуры райвыканкама Р.М. Лушча.
Алеся ЯЧЫЧЭНКА.
