Максім Васільевіч Косараў – самы малады загадчык малочнатаварнай фермы ў нашым раёне. І не толькі па ўзросту, але і па стажу работы на гэтай пасадзе: да абавязкаў загадчыка Езапоўскай МТФ 23-гадовы Максім прыступіў толькі з 1 красавіка бягучага года. Але да гэтага ён працаваў ветфельчарам на Валоцкай ферме КСУП «Судкова» і паспеў зарэкамендаваць сябе не толькі ведаючым спецыялістам, але і добрасумленным, ініцыятыўным работнікам. Таму і даверыла яму кіраўніцтва сельгаспрадпрыемства сваю самую сучасную і адбудаваную ферму.
– Кожны ж па рознаму працуе, адзін душой хварэе за справу, другога трэба падганяць, а трэцяму і так добра, і так не пагана… Напэўна заахвочваць і караць будзем рублём, пры дапамозе каэфіцыента працоўнага ўдзелу.
А вось самога Максіма падганяць не трэба, бо ад раніцы да позняга вечару ў будні і ў святы ўвесь час знаходзіцца ён на ферме. А першым яго памочнікам з’яўляецца ветфельчар Сяргей Харламаў. Вы бачыце, як умела і прафесійна ставіць ён разам з цялятніцай Аксанай Макарэвіч кропельніцу захварэўшаму маленькаму цялятку. Як і Максім, Сяргей таксама закончыў Рэчыцкі зоаветэрынарны каледж і мае намер паступаць у Віцебскую ветэрынарную акадэмію. Дарэчы, Максім Косараў ужо навучаецца тут на ІV курсе завочнага факультэта. Так, здабываючы на практыцы прафесійны вопыт, а ў працэсе вучобы тэарэтычныя веды, і павінен фарміравацца сапраўдны спецыяліст.
Віктар НАЗАРАНКА.