Душэўная работа Таццяны Цішкевіч

Наши проекты

«З задавальненнем чытаю перыёдыку, асабліва «Хойніцкія навіны».

Там мне падабаецца рубрыка «Аппаратное совещание», дзе публікуюць цікавую інфармацыю аб надзвычайных здарэннях, выездах мабільных груп, аператыўнай абстаноўцы. Такім чынам, я заўсёды ў курсе падзей. Апытанні хайнічан, добраўпарадкаванне, віншаванні таксама з інтарэсам праглядваю», – адзначае начальнік і паштальён Храпкаўскага аддзялення паштовай сувязі Таццяна Цішкевіч.

Канешне, цяжкавата спраўляцца адразу з двума прафесійнымі абавязкамі. Спачатку карэспандэнцыю раздаць, а потым ужо і плацяжы прымаць патрэбна. Аднак, з гэтым жанчына спраўляецца. Можа таму, што любіць сваю работу. У Храпкаве Таццяна Леанідаўна і пражывае, на веласіпедзе дабіраецца на пошту.

Зразумела, паштальён ведае чытацкі «смак» кожнага свайго падпісчыка, а іх у жанчыны чатыры вуліцы – 64 чалавекі выпісвае раёнку, 27 – «СБ. Беларусь сегодня». «Мая работа заключаецца не толькі ў тым, каб уручыць газету, паштоўку адрасату, але і паразмаўляць з падпісчыкамі, спытаць, як справы. Бо для любой работы патрэбна душа. Гэта галоўны падыход да чытачоў», – дзеліцца сваімі думкамі Таццяна.

Тэкст і фота Вікторыі МАРОЗ.

 



Добавить комментарий

Ваш адрес email не будет опубликован. Обязательные поля помечены *