У межах рэспубліканскай акцыі «Разам за Беларусь» прайшлі мерапрыемствы на Хойнікшчыне.
Самы маштабны канцэрт адбыўся 8 жніўня на адкрытай пляцоўцы каля Цэнтра культуры г. Хойнікі. Мерапрыемства сабрала людзей розных узростаў.
Актывісты БРСМ праводзілі акцыю, павязваючы тэматычныя стужкі, старэйшае пакаленне атрымлівала асалоду ад канцэрту.
Дзеці бегалі з паветранымі шарыкамі і каталіся на машынках.
Сваіх прадстаўнікоў на мерапрыемства дэлегіравалі раённыя арганізацыі ГА «Беларускі саюз жанчын», РГА «Белая Русь», ФПБ.
Дарэчы, канцэрт атрымаўся цікавым: свае нумары прадставілі настаўнікі і вучні дзіцячай школы мастацтваў, самадзейныя артысты горада. Раўнадушных на пляцоўцы не было.
Фота Вольгі БЕЛАШ.