Сёння у Хойніках прайшоў велапрабег пад лозунгам «За Беларусь».
Выказалі сваё жаданне паўдзельнічаць у мерапрыемстве на свежым паветры прадстаўнікі працоўных калектываў, грамадскіх аб’яднанняў, вучні, працуючая моладзь і проста нераўнадушныя да лёсу краіны грамадзяне.
Прысутных прывітаў начальнік сектара спорту і турызму райвыканкама Ігар Назарчук:
– Спорт згуртоўвае, умацоўвае здароўе і дух, выпрацоўвае сілу волі. Дзякуй вам, хайнічане, за любоў да Радзімы і актыўную грамадзянскую пазіцыю.
З нацыяльнай сімволікай і ў суправаджэнні супрацоўнікаў ДАІ ўдзельнікі спартыўнага марафону праехалі па галоўных вуліцах райцэнтра.
У маршруце быў і прыпанак у знакавым месцы – на Брацкай магіле. Тут хайнічане ўсклалі да пліт жывыя кветкі.
Фота Алены СМУСЯНОК.