На апаратнай нарадзе ў старшыні райвыканкома ўсім кіраўнікам сельгаспрадпрыемстваў было загадана паўсюдна навесці парадак: скасіць пустазелле, здаць металалом, падправіць кашары, адрамантаваць агароджы.
І самае галоўнае, абазначыць тэрыторыі гаспадарак і ўстанавіць на мяжы іх указальныя знакі (назвы). Па стану на 21 верасня да ўстаноўкі прыступілі толькі ў КСУП імя Мележа і “Судкова”. У ААТ “Хойніцкі Аграсервіс” знакі толькі яшчэ заказалі. На што спадзяваюцца ў астатніх 5 гаспадарках раёна – невядома, бо тэрмін выканання работ (15 верасня) прайшоў даўно. Падкрэслю, што ўказальныя знакі павінны быць устаноўлены на ўсіх асфальтаваных пад’ездах да гаспадарак без выключэння.
А. МАХНАВЕЦ,
намеснік начальніка райсельгасхарчу па жывёлагадоўлі.