Двухпавярховы дом, што па вуліцы Цітова,1, (каля аўтастанцыі) г. Хойнікі – старой забудовы. Ен аднапад’ездны, з драўлянай лесвіцай, і там усяго чатыры кватэры. Але выглядае як новы, бо жывуць там сапраўдныя гаспадары, якія ствараюць чысціню і прыгажосць за парогам уласных кватэр.
Ініцыятарам добраўпарадкавання выступіла Л.В. Кузьменка, якая працуе ў хірургічным аддзяленні ЦРБ медсястрой. Касметычны рамонт суседзі рабілі за ўласныя сродкі. Пафарбавалі сцены і лесвіцу, пабялілі столь, на акно павесілі жалюзі. Утульнасць пад’езду надалі малюнкі, гадзіннікі, вязаныя дыванчыкі, статуэткі, абажур на лямпачцы, а таксама мандарынавае і лімоннае дрэвы, фіялкі.
Добраўпарадкаванне закранула і прыдамавую тэрыторыю. Над старэнькімі склепамі ўзвялі акуратныя надворныя пабудовы, агароджу. Амаль усю работу на сябе ўзяў жыхар дома У.К. Мароз.
Узорны парадак у пад’ездзе па вул. Цітова,1, і каля дома – цудоўны прыклад для пераймання. Дастаткова адзін раз зрабіць так, а потым падтрымліваць.
Алена СМУСЯНОК.
