Як правіла, кожная выбарчая кампанія на Рэвалюцыйным выбарчым участку № 5, які размяшчаецца ў памяшканні ДПТВ-183, праходзіць арганізавана, пры высокай яўцы выбаршчыкаў. Вялікую ролю ў гэтым, несумненна, адыгрывае належная падрыхтоўка да выбараў.
Пасля таго, як у адпаведнасці з рашэннем раённага выканаўчага камітэта былі створаны ўчастковыя камісіі для галасавання па выбарах Прэзідэнта Рэспублікі Беларусь, пачалася актыўная падрыхтоўка да правядзення важнай палітычнай кампаніі. На ўчастку ёсць неабходная дакументацыя: Канстытуцыя Рэспублікі Беларусь са змяненнямі і дапаўненнямі, Выбарчы Кодэкс Рэспублікі Беларусь, пастанова Цэнтральнай выбарчай камісіі Рэспублікі Беларусь аб правядзенні выбараў Прэзідэнта Рэспублікі Беларусь, інфармацыя СМІ аб ходзе выбарчай кампаніі ў краіне.
Абсталяваны кабіны для галасавання, удакладнёны спісы выбаршчыкаў. Складзены графік дзяжурства членаў выбарчай камісіі.
Упершыню тут будуць галасаваць больш за 30 маладых выбаршчыкаў, у асноўным з ліку навучэнцаў прафтэхвучылішча. Члены выбарчай камісіі прадумалі ўсе пытанні, звязаныя з тым, каб гэтая падзея запомнілася. У прыватнасці, выраблены асобны інфармацыйны стэнд для маладога выбаршчыка, а ў дзень выбараў кожны з іх на памяць атрымае сувенір.
Адным словам, на Рэвалюцыйным выбарчым участку ўжо зараз усё гатова для волевыяўлення народа.
Клаўдзія МІКАЛАЕВА.
