У пачатку вялікай работы

Па даручэнню кіраўніка раёна А.В. Бічана практыкуецца правядзенне выязных нарад па абмеркаванню вынікаў дзейнасці прамысловых калектываў на тым або іншым прадпрыемстве. Робіцца гэта з мэтай даведацца з вуснаў кіраўнікоў, якія праблемы існуюць, якая дапамога патрабуецца ў іх вырашэнні.

Такое мерапрыества адбылося 17 лютага на базе філіяла «Палескі» РУП «Белінвесткамплект».  Намеснік старшыні райвыканкама А.М. Іўкова падвяла вынікі работы прамысловых прадпрыемстваў за студзень 2011 года, адзначыўшы, што адным з ключавых напрамкаў новай эканамічнай палітыкі на бягучую пяцігодку з’яўляецца адмова ад прамога ўплыву адміністрацыйнага рэсурса на дзейнасць суб’ектаў гаспадарання, а таксама ад давядзення мэтавых валавых паказчыкаў. Рашэннем райвыканкама даведзены прагнозныя і індыкатыўныя паказчыкі развіцця на 2011 год. Больш вынікова спрацавалі ў фінансавым плане за студзень сёлета ДЛГУ «Хойнікі лясгас» (рэнтабельнасць – 11,7%, аб’ём вытворчасці – 118,3%, прадукцыйнасць працы – 230,9%), рамзавод (рэнтабельнасць –10%, аб’ём вытворчасці – 104,6 % (208,8% без уліку цеплаэнергіі), прадукцыйнасць працы –115,4%), фабрыка мастацкіх вырабаў (адпаведна 6,157, 145,6%).

Што датычыць прадпрыемства, дзе праходзіла нарада, то за 2006-2010 гг. па філіялу «Палескі» агульная сума інве-стыцый на рэканструкцыю дрэваапрацоўчай вытворчасці склала 7,6 млрд. руб. Аднак недахоп абаротных сродкаў не дае магчымасці прадпрыемству развівацца на поўную магутнасць.

Для нармальнага развіцця кожнага прадпрыемства ў цяперашніх умовах, безумоўна, павінен забяспечвацца рост аб’ёмаў вытворчасці тавараў (работ, паслуг), што, у сваю чаргу, паўплывае на павелічэнне сумы падаткаў, уплачваемых з абарота. Але гэты рост павінен суправаджацца абавязковым скарачэннем матэрыяльных затрат на сыравіну, матэрыялы, правядзенне пабочнымі арганізацыямі розных відаў рамонтаў. Усё гэта дазволіць павялічыць долю прыбытку і зарплату працуючых.

Т. ДЗЕМЧАНКА, начальнік аддзела эканомікі райвыканкама.