У модзе – актыўны лад жыцця

17 лютага ў глядзельнай зале ГЦКіС «Меліяратар» інфармацыйна-прапагандысцкая група пад кіраўніцтвам старшыні райвыканкама А.В. Бічана правяла сустрэчу з жыхарамі раёна. Напачатку Аляксандр Васільевіч выканаў прыемную місію – уручыў Падзячныя пісьмы Прэзідэнта Рэспублікі Беларусь А.Р. Лукашэнкі за вялікую работу, якая была праведзена пры падрыхтоўцы і правядзенні выбараў Прэзідэнта Рэспублікі Беларусь.

 Адзначаны былі старшыня райсавета дэпутатаў Г.В. БОНДАР, дырэктар Казялужскай СШ С.І. БАРЫСЕНКА, інспектар групы рэжымна-сакрэтнай дзейнасці РАУС С.Д. ГАПОНЕНКА, дырэктар ПУП «Палескія сыры» Т.Д. ГРАМОВІЧ, вядучы спецыяліст аддзела арганізацыйна-кадравай работы райвыканкама Т.А. ДЗЕМІДЗЕНКА, начальнік аддзела арганізацыйна-кадравай работы райвыканкама Л.В. ЕРМАКОВА, намеснік старшыні райвыканкама А.М. ІЎКОВА, дырэктар разлікова-касавага цэнтра № 4 у г. Хойнікі  ААТ «Белаграпрамбанк» у г. Рэчыца Л.У. КОВАЛЬ, старшыня раённай арганізацыі  ГА «Беларускі саюз афіцэраў» М.А. КОСАР, вядучы спецыяліст аддзела архітэктуры, будаўніцтва, ЖКГ і па праблемах ліквідацыі вынікаў катастрофы на ЧАЭС райвыканкама Т.У. КУДРЫЦКАЯ, начальнік аддзела адукацыі райвыканкама Л.Ф. КУЛАКОЎСКАЯ, дырэктар гімназіі г. Хойнікі Л.В. ЛАБАДА, начальнік землеўпарадкавальнай службы райвыканкама А.А. МАЛІНОЎСКІ, намеснік старшыні райвыканкама А.У. МАШЭЎСКІ, начальнік фінансавага аддзела райвыканкама Ю.У. НОВІК, загадчыца Стралічаўскага ясляў-сада А.У. ПАЎЛАВА, кіраўнік справамі райвыканкама Т.А. ПРОТЧАНКА, галоўны спецыяліст аддзела ідэалагічнай работы райвыканкама В.М. САВЕЛЬЕВА, дырэктар Слабажанскага дзіцячага сада-БШ М.І. СЯНЬКО, дырэктар Судкоўскай СШ Ж.А. СЯРГЕЕНКА, настаўніца СШ № 1 г. Хойнікі Н.С. СМУСЯНОК, старшыня праўлення райпо Н.У. ТАРАЕВА, метадыст аддзела адукацыі райвыканкама Т.М. ТУРЧАНОК, начальнік і вядучы спецыяліст аддзела ідэалагічнай работы райвыканкама Ж.М. ЧАРНЯЎСКАЯ і А. М. ЧЭРКАС, дырэктар СШ № 2 г. Хойнікі Т.В. ШЛЕГ. 

Тэмай адзінага рэспубліканскага дня інфармавання былі вынікі перапісу 2009 года і выкананне Нацыянальнай праграмы дэмаграфічнай бяспекі Рэспублікі Беларусь на 2007-2010 гады.

На жаль, з 1993 года паступова змяншаецца колькасць жыхароў нашай краіны. Калі гаварыць адносна Хойніцкага раёна, то на яго тэрыторыі гэта негатыўная тэндэнцыя пачалася раней – у 1990 годзе.

Каб спыніць дэмаграфічны спад і перайсці паступова да яго стабілізацыі, у Беларусі склалася разгалінаваная сістэма дзяржаўнай падтрымкі сем’яў з дзецьмі, якая ўключае: дапамогі па цяжарнасці, родах і ўтрыманню дзяцей; аказанне мнагадзетным сем’ям фінансавай дапамогі ў вырашэнні жыллёвых праблем; прадастаўленне ім падатковых ільгот, забеспячэнне бясплатным харчаваннем дзяцей першых 2-х гадоў жыцця, сацыяльнае абслугоўванне. Забяспечваецца прыярытэт сямейных форм устройства на выхаванне дзяцей-сірот і дзяцей, якія засталіся без папячыцельства бацькоў.

Трэба адзначыць, што сумарны каэфіцыент нараджальнасці на 1 жанчыну ў Беларусі павысіўся з 1,29 у 2005 годзе да 1,44 – у 2010-м. Значэнне гэтага паказчыка ў нашай краіне некалькі вышэй, чым у сярэднім па Усходняй Еўропе (1,39), а таксама ў такіх еўрапейскіх краінах, як Польшча (1,28), Славакія (1,31), Германія і Румынія (па 1,33), Аўстрыя, Венгрыя, Грэцыя і Літва (па 1,39), Украіна (1,40).

Што датычыць агульнага каэфіцыента смяротнасці, то за апошнія гады ён у нашай краіне крыху павялічыўся. У першую чаргу гэта звязана са стварэннем беларускага грамадства. Калі гаварыць пра асобныя прычыны, то імі ў Беларусі да апошняга часу з’яўляюцца: хваробы сардэчна-сасудзістай сістэмы, новаўтварэнні і знешнія прычыны.
У Хойніцкім раёне ў 2010 годзе памёрла на 137 чалавек больш, чым у 2009 годзе. Прычынай смерці 172 чалавек з 402 памёршых у мінулым годзе сталі хваробы сардэчна-сасудзістай сістэмы.

Летась на Хойнікшчыне выяўлены 23 хворыя на туберкулёз. І хоць у выніку набыцця спецабсталявання ў раённую бальніцу крыху знізіўся ў нас узровень захворваемасці гэтай сацыяльнай хваробай (са 107,7 выпадкаў на 1 тыс. насельніцтва ў 2009 годзе да 103,2 у 2010 годзе), аднак супакойвацца нельга. Кожны жыхар раёна ў абавязковым парадку павінен адзін раз у год праходзіць флюараграфічнае абследаванне. А самае галоўнае – весці здаровы лад жыцця, у якім не будзе месца п’янству і алкагалізму, курэнню, наркаманіі і таксікаманіі. І толькі паслядоўнае замацаванне  гэтых пазітыўных тэндэнцый будзе працаваць ва ўсім нашым грамадстве і на выкараненне дрэнных звычак, і на рост колькасці насельніцтва, і на павышэнне якасці жыцця людзей.

 У заключэнне кіраўнік раёна А.В. Бічан адзначыў, што моду на здароўе ў сваіх калектывах павінны дэманстраваць асабістым прыкладам іх кіраўнікі. Усяляк заахвочваць жаданне чалавека падтрымліваць здаровы дух у здаровым целе. З гэтым намерам прадугледжваць у калектыўным дагаворы ўмовы заахвочвання тых, хто кінуў піць, курыць, не ходзіць на працягу года на бальнічны. Будуць здаровыя бацькі – будуць нараджацца здаровыя дзеці. А гэта самая галоўная ўмова шчасця ў сям’і.

Ірына Васільева.