Паважаныя жыхары Хойніцкага раёна, землякі!
Сёння ўся наша краіна адзначае Дзень народнага адзінства – дзяржаўнае свята пераемнасці пакаленняў – запавет берагчы суверэнітэт, нацыянальнае адзінства і мір на роднай зямлі.
Мы павінны дакладна ўсведамляць, што свет занадта крохкі і раптоўна можна страціць усё. А захаваць і прымножыць дасягнутае мы зможам, толькі калі будзем у адзінстве. Як былі ў адзінстве нашы продкі, нашы бацькі і дзяды, якія абаранялі ў цяжкія часы сваю зямлю ад ворага і даказалі: адзінства – гэта магутная і непераадольная сіла.
Сённяшняя знамянальная дата заклікана аб’яднаць усе пакаленні беларусаў. Бо толькі сумеснымі намаганнямі і з’яднаўшыся мы зберажом мір і дабрабыт на нашай зямлі.
Шчыра віншую ўсіх са святам! Моцнага вам здароўя, нязменна мірнага неба над галавой і поспехаў ва ўсіх справах і пачынаннях на карысць нашай Радзімы!
З Днём народнага адзінства!
Дзмітрый БАРЫСЕНКА, старшыня раённай арганізацыі ГА «Патрыёты Беларусі».
