Сёння аграгарадок Глінішча стаў адной вялізнай святочнай пляцоўкай – прымае раённыя «Дажынкі».
Перадавікі і госці з усяго раёна з’ехаліся сюды, каб акунуцца ў гэтую душэўную атмасферу. Цэнтральная вуліца ператварылася ў шумны кірмаш, каларытную выставу і канцэртную пляцоўку адначасова.
Да пачатку галоўнай урачыстасці удзельнікі свята знаёмяцца з каларытнымі падворкамі, якія здзіўляюць маляўнічымі інсталяцыямі, нацыянальным каларытам і цудоўнымі стравамі.
