У сваёй стыхіі

У канцы красавіка на рацэ Уць (Добрушскі раён) прайшоў адкрыты чэмпіянат і першынство вобласці па тэхніцы воднага турызму. Ад нашага раёна ўдзельнічала каманда аддзела ФКСіТ райвыканкама з ліку 14 рабят – наведвальнікаў гуртка па турызму. Спаборніцтвам папярэднічалі падрыхтоўка і ўдзел каманды г. Хойнікі ў чэмпіянаце Рэспублікі Беларусь па тэхніцы воднага турызму ў Барысаве, дзе яна набыла каштоўны вопыт. 

«Бронзу» ў намінацыі «мужчынская байдарка-двойка» заваяваў наш экіпаж у складзе А. Харэцкага і А. Зубка. Паспяхова выступілі хайнічане ў шасці відах спаборніцтваў: каяк-адзіночка (мужчынскі), каяк-адзіночка (жаночы), байдарка-двойка (мужчынскі), байдарка-двойка (змешаная), катамаран-двойка (мужчынскі) і катамаран-чацвёрка (мужчынскі) (на здымку). Гэта дазволіла заняць хайнічанам трэцяе месца ў камандным заліку.
Гэтыя спаборніцтвы ? своеасаблівы адбор у падрыхтоўцы да рэспубліканскага чэмпіянату по воднаму турызму, які пройдзе ў Гродзенскай вобласці на Аўгустоўскім канале, рэках Асташанка і Нёман.

А. ХАРЭЦКІ, кіраўнік гуртка па турызму ЦТДіМ.

На абласной спартакіядзе
На працягу двух дзён у Гомелі праходзіла абласная спартакіяда сярод сельскіх жыхароў, работнікаў аграпрамысловага комплексу па настольнаму тэнісу і гіравому спорту.
У паядынках па настольнаму тэнісу ўдзельнічала 18 каманд з раёнаў вобласці. Наша каманда заняла чацвёртае месца, прайграўшы толькі адну гульню сваім сапернікам з Лельчыц.

Вынік добры. І прынеслі яго раёну настаўніца пачатковых класаў Паселіцкага дзіцячага сада-сярэдняй школы Наталля Лапцева і трэнер-метадыст цэнтра творчасці дзяцей і моладзі             г. Хойнікі Андрэй Харэцкі.
У залатой сярэдзіне, заняўшы адзінаццатае месца, апынуліся і нашы гіравікі. А ўвогуле з пройдзеных трох відаў абласной спартакіяды каманда нашага раёна займае трэцяе месца.

У. ВЯРГЕЙЧЫК, дырэктар Хойніцкага фізкультурна-спартыўнага клуба.     

Фінал чэмпіянату
Адбыліся фінальныя гульні чэмпіянату Хойніцкага раё-на па міні-футболу сярод мужчынскіх каманд.
Гульня паміж камандамі ПДРЭЗ   і ДЮСШ  аддзела  фізічнай культуры, спорту і турызму райвыканкама закончылася з лікам 12:3 на карысць спартсменаў запаведніка. Былі яны мацнейшыя і ў сустрэчы з камандай «Дынама» – 10:8.  З лікам 12:6 «Дынама» перамагла каманду ДЮСШ.

Прызавыя месцы размеркаваны наступным чынам. Першае месца за камандай ПДРЭЗ, яна стала ўладальніцай кубка чэмпіянату і залатога медаля. Другое месца – у ДЮСШ, трэцяй стала каманда «Дынама». Гэтыя дзве каманды таксама ўдастоены медалёў адпаведнай вартасці.

Д. РАМАНОЎСКІ, галоўны суддзя спаборніцтваў.