Водар траў на сенажацях

На нарыхтоўцы кармоў у КСУП «Веляцін» працуюць сапраўдныя прафесіяналы сваёй справы, якія штогод выдатнай працай пацвярджаюць гэты статус.

За дзень скошваюць у сярэднім 30 га траў. У траншэі ўжо закладзена больш за 2000 тон сенажу. Гэта больш за палову ад агульнага запланаванага аб’ёму нарыхтоўкі, як расказаў дырэктар сельгаспрадпрыемства Аляксандр Міхайлавіч Чэкан. Пры спрыяльным надвор’і тут разлічваюць убраць травы першага ўкосу да канца тыдня.
Павышаная ўвага ў гаспадарцы – якасці нарыхтоўваемых кармоў. Для гэтага трамбоўка праводзіцца кругласутачна. Увага будзе надавацца кукурузнаму сіласу, яго плануецца назапасіць больш за 23 000 тон.

На здымку злева направа: вадзіцелі МАЗаў Аляксей Вітальевіч Саланенка і Яўгеній Уладзіміравіч Піляк, механізатар Аляксандр Васільевіч Яблонскі, які працуе на «Ягуары», і трактарыст Андрэй Васільевіч Касцючэнка.

Тэкст Алесі ЯЧЫЧЭНКА.
Фота Наталлі ЧЭКАН.