Найсмачнейшая ў свеце згушчонка і нафтавыя радовішчы.
Напярэдадні юбілейнай даты нагадваем яркія факты пра кожны з раёнаў Гомельшчыны.
ДОБРУШСКІ: асабісты нябесны заступнік і папяровая фабрыка
Гэты край стаў прамысловым цэнтрам Гомельшчыны ў галіне вырабніцтва паперы. У ХІХ стагоддзі Фёдар Паскевіч вырашыў размясціць адпаведную фабрыку. На той момант прадпрыемства стала адным з перадавых не толькі ў Расійскай імперыі, але і ў цэлай Еўропе.
У раёне існуе так званы эксклаў. Справа ў тым, што добрушскія вёскі Мядвеж’е і Санькова размешчаны непадалёк ад расійскай мяжы. Населеныя пункты былі заснаваны яшчэ ў ХІХ стагоддзі. Навокал тэрыторыя плошчай больш за 5 квадратных кіламетраў адносіцца да Злынкаўскага раёна Расіі.
ЖЛОБІНСКІ: прамысловасць і месца памяці
У першую чаргу раён вядомы як буйны прамысловы цэнтр. Тут дзейнічаюць металургічны завод, мясакамбінат і малочны завод, прадпрыемствы па вытворчасці штучнага футра і мэблі.
У в. Чырвоны Бераг знаходзіцца мемарыял, прысвечаны вязням дзіцячага лагера, які дзейнічаў у час Другой сусветнай вайны. Комплекс памяці ахвяр адкрыты з 2007 года і не пакідае абыякавым нікога.
Менавіта на Жлобіншчыне ёсць месца злівання дзвюх рэк – Бярэзіна ўпадае ў Днепр.
ВЕТКАЎСКІ: сталіца беларускага стараверства
У гонар рэлігіёзнага накірунку працуе тэматычны музей, прысвечаны гісторыі і культуры старавераў. Пазней раён аблюбавалі масоны – адно з памяшканняў прысядзібнага комплекса Войніч-Сенажэцкіх ў Хальчы перарабілі для сходаў гэтага сакрэтнага таварыства. Сама сядзіба выканана ў манеры класіцызму.
Менавіта Веткаўскі раён адным з першых на тэрыторыі БССР быў вызвалены ад нямецка-фашысцкіх захопнікаў ў ходзе наступальнай аперацыі «Баграціён».
РАГАЧОЎСКІ: найсмачнейшая ў свеце згушчонка
Без перабольшвання салодкі малочны прадукт стаў сапраўдным сімвалам раёна. Пра гэта нават сведчыць і помнік класічнай блакітнай баначцы. Акрамя гэтага, у раёне майстры стварылі асабістую школу драўлянай архітэктуры. Прадстаўленні пра мясцовыя традыцыі народнага дойлідства даюць драўляныя цэрквы ў в. Гарадзец і Дварэц.
Рагачоў – горад дзяцінства знакамітага беларускага пісьменніка Уладзіміра Караткевіча. Сюды ён кожнае лета прыязджаў да бацькоў сваёй матулі.
РЭЧЫЦКІ: багатыя нафтавыя радовішчы і музей «Азарычы»
Каля г. Васілевічы можна пабачыць, як здабываюць нафту. Вядома, не абышла раён фашысцкая напасць. На яго тэрыторыі знаходзіўся адзін з самых жорсткіх канцэнтрацыйных лагераў «Азарычы» па назве мясцовай вёскі. У комплекс уваходзілі таксама і канцлагеры «Дзерць» і «Падасіннік». У 2004 годзе на гэтай тэрыторыі адкрылі «Музей памяці ахвяр Азарыцкага лагера смерці».
Сёння раён з’яўляецца адным з асноўных вытворцаў сельскагаспадарчай прадукцыі на Гомельшчыне. Тут працуюць КСУП «Агракамбінат «Холмеч», «Дзяржынскі-агра», СПК «50 гадоў кастрычніка» і інш.
КАРМЯНСКІ: 17000 гадоў гісторыі і новы дзень нараджэння
Археалагічныя знаходкі дазваляюць сцвярджаць, што гэту мясцовасць засялілі больш за 17 000 гадоў назад.
У 1962 годзе Кармянскі раён ліквідавалі. Яго тэрыторыя была далучана спачатку да Рагачоўскага, а потым да Чачэрскага раёна. Але ў 1966 годзе прынята рашэнне аднавіць Кармяншчыну.
У Карме з даўніх пор было распаўсюджана вырошчванне льна. Штогод у раёне праводзяць фестываль «Льняная карусель».
Падрыхтавала Алеся ЯЧЫЧЭНКА.
