Гомельскім абласным, Хойніцкім раённым і Гомельскім гарадскім камітэтамі прафсаюза работнікаў аграпрамысловага комплексу напярэдадні Дня Перамогі ў межах акцыі “Адзінокім ветэранам – наш клопат” адзінокім і адзінокапражываючым пенсіянерам Хойнікшчыны аказана матэрыяльная дапамога.
Старшыня абкома прафсаюза работнікаў АПК М.І. Садчанка і старшыня райкома прафсаюза В.В. Харошка наведалі на даму ўдзельнікаў Вялікай Айчыннай вайны, шчыра павіншавалі іх са святам, ўручылі прадуктовыя наборы і кветкі жыхарам г. Хойнікі Юліі Іванаўне Лук’яненка, Уладзіміру Георгіевічу Мельнікаву, Алене Людвігаўне Шаціла, Уладзіміру Антонавічу Вяргейчыку, Мікалаю Фёдаравічу Казмерчуку з вёскі Ізбынь, Міхаілу Рыгоравічу Данчанку з вёскі Казялужжа і Івану Фёдаравічу Дземчанку з Тунеўшчыны.
25-ці ветэранам вайны святочныя падарункі ўручыла таксама спецыяліст па рабоце з кліентамі Гомельскага філіяла СТАА “Мабільныя ТэлеСістэмы” Юлія Васільевна Прадун.
Даўно знаходзіцца на заслужаным адпачынку былы супрацоўнік раённага аддзела ўнутраных спраў райвыканкома, старшына міліцыі М.Б. Буйневіч. У яго слаўны жыццёвы шлях. У гады Вялікай Айчыннай вайны Мікалай Браніслававіч самааддана працаваў у тыле, а пасля аднаўляў разбураную ворагам народную гаспадарку, нёс адказную службу па ахове законнасці і правапарадку.
Напярэдадні Дня Перамогі працаўнік тылу ўзнагароджаны юбілейным медалём. Уручылі яго і каштоўны падарунак раённы ваенны 
камісар І.Д. Ніслоўскі, намеснік начальніка РАУС Д.А. Толмач і старшы інспектар кадраў раённага аддзела ўнутраных спраў райвыканкома А.М. Брыцько (на ніжнім здымку).
Фота Алены СМУСЯНОК
і Уладзіміра СЯМЁНАВА.
На верхнім здымку: у час наведвання У.Г. Мельнікава; на здымку справа: у ветэрана М.К. Захаранкі.
