У Пінску прайшло першынство Рэспублікі Беларусь па цяжкай атлетыцы сярод юніёраў.
У гэтых прэстыжных спаборніцтвах удала выступілі выхаванцы Хойніцкай СДЮСШАР. Чэмпіёнамі краіны сталі Іна Палуянава і Таццяна Нікіценка. Другі вынік па суме двухбор’я паказаў Раман Галезнік, а трэція месцы ў сваіх вагавых катэгорыях занялі Архан Аліеў, Андрэй Вашчанка і Вольга Нікіценка.
Крыху не пашанцавала Яўгенію Лявіцкаму, які па суме ўзнятых кілаграмаў спыніўся ў адным кроку ад п’едэстала гонару і заняў чацвёртае месца.
Рыхтавалі каманду да спаборніцтваў трэнеры А. Шпарун, М. Глушакоў, А. Навіцкі і А. Бяляўскі.
У. БОРДАК,
дырэктар Хойніцкай СДЮСШАР.