На гэтым тыдні завіталі ў госці да добразычлівай жыхаркі Акцябра Ніны Радзюшкі.
З ёй мы пазнаёміліся зімой – упаўнаважаная пасёлка Акцябр, Ніна Міхайлаўна расказала пра родныя мясціны, яе абаяльных жыхароў і запрасіла прыязджаць, калі ўсё тут цвіце.
Хаця і не заспела пабачыць буйны росквіт руж, затое атрымала неверагодную асалоду ад дагледжанага падворка жанчыны. Дарэчы, Ніна Міхайлаўна сама косіць газон.
На свежым паветры тут адпачываюць шэрагі герані – чырвоныя і ружовыя, яны займаюць усё вольнае месца.
А яшчэ наша гаспадыня прадэманстравала свой першы ўраджай: маладыя агурочкі ўжо ў кошыку, а вось памідоры і перцы яшчэ ў цяпліцах водару і смаку набіраюцца.
Нечага і казаць, акрамя аднаго – хараство!
Алеся ЯЧЫЧЭНКА.
Фота аўтара.
