Хойніцкая раённая арганізацыйная структура ДТСААФ рыхтуецца адзначыць свята беларускага пісьменства. З гэтай мэтай дзеля паляпшэння тэарэтычнай часткі навучання курсантаў-вадзіцеляў за кошт уласных сродкаў праведзены рамонт вучэбных кабінетаў.
А зараз робіцца ўсё, каб надаць прывабны выгляд памяшканню ДТСААФ. Прадугледжана абшыць сайдынгам фасад будынка, вырабіць дах з металачарапіцы, добраўпарадкаваць уваход.
Гэтыя работы зараз згодна з праграмай падрыхтоўкі і правядзення Дня беларускага пісьменства праводзіць калектыў гомельскага прыватнага прадпрыемства “Стройк”. Усё робіцца дабротна, на сумленне. Відавочна, што гэты будынак арганічна ўвальецца ў абноўлены архітэктурны ансамбль нашага горада.
Клаўдзія МІКАЛАЕВА.