Гарачая жніўная пара парадавала хайнічан сапраўдным “зоркападам” тысячнікаў. І зараз, калі ўборка падышла да фінішнай прамой, з палёў працягваюць даносіцца прыемныя навіны аб новых перадавіках нівы, пераадолеўшых тысячны рубеж. Лік герояў сёлетняй уборачнай папоўнілі вадзіцелі Барыс Георгіевіч Кузьменка з КСУП імя Мележа і Віктар Іосіфавіч Сташкевіч з КУП “Аравічы”. Кожны з іх адвёз на збожжаток больш за тысячу тон залатога груза – гэта вынік самаадданай працы, дбайнасці і высокага прафесіяналізму.
З прыемнай місіяй – ушанаваць вадзіцеляў-тысячнікаў у наш раён прыехалі старшыня Гомельскай гарадской арганізацыі прафсаюза работнікаў АПК А.І. Матчанка і старшыня Гомельскага абласнога савета прафсаюза работнікаў банкаўскіх і фінансавых устаноў Г.С. Баннікава. Яны сардэчна павіншавалі перадавікоў, адзначылі, што іх уклад у агульны каравай заслугоўвае самай высокай адзнакі, пажадалі новых працоўных перамог. Госці з абласнога цэнтра падарылі хлебаробам фірменныя кепкі і майкі, каштоўныя падарункі. Барыс Георгіевіч Кузьменка атрымаў міксер,а Віктар Іосіфавіч Сташкевіч – радыётэлефон.
Словы шчырых віншаванняў з дасягнутай працоўнай перамогай вадзіцелі-тысячнікі атрымалі і ад старшыні райкома прафсаюза работнікаў аграпрамысловага комплексу В.В. Харошка.
Наталля ЧЭКАН.
