У мэтах аздараўлення аператыўнай абстаноўкі, узмацнення кантролю за паводзінамі асоб, маючых судзімасць, на тэрыторыі Рэспублікі Беларусь і ў нашым раёне ў прыватнасці ў перыяд з 4 па 13 красавіка праводзіўся спецыяльны комплекс мерапрыемстваў «Нагляд». У мерапрыемстве, акрамя крымінальна-выканаўчай інспекцыі, былі задзейнічаны амаль усе службы РАУС.
Згодна з рабочым планам правядзення аперацыі “Нагляд” зроблены аналіз рэцыдыўнай злачыннасці на тэрыторыі раёна, падрыхтаваны спіскі састаячых на ўліку ў крымінальна-выканаўчай інспекцыі – жыхароў горада і сельскіх населеных пунктаў, якія належаць прэвентыўнаму нагляду.
Выдадзены 2 прадпісанні асобам, якія адбываюць пакаранне ў выглядзе абмежавання волі без накіравання ў выпраўленчую ўстанову агульнага тыпу, але не працуюць, аб пастаноўцы на ўлік ва ўпраўленні па працы, занятасці і сацыяльнай абароне райвыканкама. За час правядзення аперацыі “Нагляд” з дапамогай сектара па занятасці было працаўладкавана 7 асоб, якія састаяць на ўліку ў крымінальна-выканаўчай інспекцыі.
Да трох асуджаных з укаранёнымі антыграмадскімі поглядамі і звычкамі, злосных парушальнікаў парадку і ўмоў адбывання пакарання і ў сувязі з тым, што метад пераканання не прыносіць карысці,за ўхіленне ад адбывання пакарання ўзбуджаны крымінальныя справы.
В. ЛІБЕРТ, старшы інспектар крымінальна-выканаўчай інспекцыі РАУС.
