За перыяд дэпутацкай дзейнасці дырэктар Паселіцкай сярэдняй школы, дэпутат па Паселіцкай выбарчай акрузе Галіна Віктараўна Окунева імкнулася любым магчымым спосабам аказаць пасільную дапамогу ўсім, хто да яе звяртаецца.
Адной з такіх стала жыхарка в. Мархлеўск Я.А. Лабада. Жанчына ўдастоена звання Маці-гераіні і Героя Сацыялістычнай Працы. Але ж так здарылася, што пасведчанні згарэлі, з-за чаго і пенсію ёй налічвалі без грашовай надбаўкі. Яна папрасіла дэпутата дапамагчы аднавіць знішчаныя агнём дакументы. Для гэтага спатрэбілася звярнуцца ў многія ведамствы. Намаганні апраўдаліся.
На гэтым тыдні Г.В. Окунева зноў навясціла Яніну Адамаўну, каб даведацца, як яна цяпер жыве, што хвалюе.
Алеся ЯЧЫЧЭНКА. Фота аўтара.