БРСМ – гэта …
Клопат і ўвага
Валанцёрскі рух «Добрае Сэрца» з кожным годам аб’ядноўвае ўсё больш неабыякавых да чужога гора людзей, тых, хто хоча дапамагаць іншым. Сёння нашы школьнікі, студэнты і прадстаўнікі працоўнай моладзі клапоцяцца аб пажылых людзях і ветэранах, прымаюць удзел у дабрачынным марафоне «Усе фарбы жыцця для цябе», праводзяць акцыі «У школу з Добрым Сэрцам!» і «Аднаўленне святынь. Крыніцы Беларусі». Кожнаму маладому чалавеку важна разумець, што ён патрэбны, што яго работа не застаецца незаўважанай. А калі ты дапамагаеш камусьці, то і сам становішся лепш.
Крэатыўныя і карысныя ідэі
Дыетычная згушчонка, разумная разетка, якую можна абясточыць на адлегласці з дапамогай інтэрнэту і мабільнага тэлефона, тактыльная кніга для дзяцей са слабым зрокам. За восем гадоў на Рэспубліканскім конкурсе «100 ідэй для Беларусі» прадстаўлены сотні ўнікальных праектаў. Кожны год вынаходнікі і маладыя навукоўцы здзіўляюць распрацоўкамі ў сферы інфармацыйных тэхналогій, аховы здароўя, энергазберажэнні, адукацыі і інш.
Бяспека і правапарадак
«Мужнасць. Адказнасць. Айчына. Патрыятызм» – гэты дэвіз аб’ядноўвае байцоў маладзёжных атрадаў аховы правапарадку. Актывісты БРСМ у камізэльках з нашыўкай «МААП» дзяжураць на спартыўных спаборніцтвах і музычных фестывалях, адпраўляюцца ў рэйды з супрацоўнікамі РАНС і РАУС, у летні час патрулююць пляжы вадаёмаў, а зімой перасцерагаюць ад выхаду на лёд.
Рамантыка студатрадаў
Кожны год БРСМ працаўладкоўвае школьнікаў і студэнтаў. Хойніцкія юнакі і дзяўчаты працуюць у сельскагаспадарчых, экалагічных і вытворчых атрадах, даказваючы, што ім пад сілу любыя задачы. Калі глядзець у рамках усёй краіны, то актывісты БРСМ працавалі на рэканструкцыі Аўгустоўскага канала і стадыёна «Дынама», будаўніцтве атамнай электрастанцыі і сацыяльных аб’ектаў у Астраўцы.
Магчымасці праявіць сябе
Творчыя праекты БРСМ дапамагаюць раскрыць таленты, заявіць пра сябе, завесці сяброў, даць волю фантазіі. У разнастайных акцыях, конкурсах і фестывалях саюза моладзі штогод удзельнічаюць сотні хойніцкіх рабят.
Яркай падзеяй бягучага года сталі II Еўрапейскія гульні, на якіх пабывала шмат хайнічан.
Рух у нагу з часам
У нас ёсць групы ў сацыяльнай сетцы «Укантакце», мы актыўна развіваем розныя праекты ў Instagram. І праз усё гэта адчуваем і бачым сучасную моладзь. Мы максімальная адчынены. Абсалютна кожны ў любы час дня і ночы можа напісаць сваю прапанову, праект, мы абавязкова яе вывучым і пастараемся падтрымаць.
БРСМ стараецца быць подыхам моладзі. Арганізацыя актыўна ўзаемадзейнічае з органамі выканаўчай і заканадаўчай улады, і нам тут важна быць сувязным звяно паміж уладай і маладымі людзьмі.
Адзіная каманда
Асобныя словы ўдзячнасці лідэрам нашай арганізацыі. Менавіта такія актыўныя людзі, «запальніцы» збіраюць вакол сябе моладзь. Я адчуваю за сваёй спіной армію моладзі з запаленымі вачамі. Я заўсёды кажу маладым людзям, што яны прыходзяць у БРСМ не як у арганізацыю, а як у сям’ю. У нас створана унікальная камунікатыўная пляцоўка. Можна сказаць, БРСМ – гэта асобная субкультура са сваімі традыцыямі, фішкамі. Гэта адзіная каманда моладзі ўсёй краіны.
З 2 па 6 верасня прайшло мноства мерапрыемстваў, прымеркаваных да дня стварэння БРСМ. Усе яны былі напоўнены душэўнасцю, радасцю зносін, добрымі эмоцыямі, якія адлюстроўваюць прынцыпы дружбы, адзінства і аптымізму, уласцівыя маладзёжнаму саюзу.
Мы хочам бачыць у складзе нашай арганізацыі неабыякавую моладзь, смелую, крэатыўную. Мы чакаем у камандзе БРСМ яркіх людзей, гатовых нешта мяняць, паляпшаць вакол сябе, таму што яны любяць сваю краіну. Разам мы многае зможам зрабіць для будучыні роднай Хойнікшчыны і Беларусі.
Шчыра віншую ўсіх членаў БРСМ са святам, жадаю выдатнага здароўя, аптымізму, актыўна жыццёвай пазіцыі, якая дазволіць дасягнуць вяршыняў і быць прыкладам для іншых.
Хай гарыць у вашых сэрцах агонь, запалены маладосцю і які дае цяпло, энергію для сённяшніх і заўтрашніх добрых спраў.
Л. Гаркуша, першы сакратар РК ГА «БРСМ».
