35 – не ўзрост для прадпрыемства

Общество

Юбілей з дня ўтварэння адзначылі на Палескім вытворчым участку ААТ «Мілкавіта».

Словы віншаванняў, шчырыя і чуллівыя, Граматы, Падзякі, шыкоўны канцэрт і забаўляльная праграма нікога ў зале не пакінулі раўнадушнымі. Падпявалі, дзякавалі, успаміналі мінулае – а за 35 год ёсць што ўзгадаць.

Старшыня раённага Савета дэпутатаў Галіна Бондар уручыла ўзнагароды, адзначыўшы, што яны – заслуга ўсяго калектыву, а таксама тых работнікаў, якія не адзін год свайго жыцця аддалі прадпрыемству, укладвалі ў яго развіццё вопыт, старанні, а зараз знаходзяцца на заслужаным адпачынку.

** ** **

За шматгадовую добрасумленную працу, высокае прафесійнае майстэрства, узорнае выкананне службовых абавязкаў, значны асабісты ўклад у развіццё малочнай галіны рэгіёну Ганаровай граматай раённага Савета дэпутатаў узнагароджаны лабаранты хімічнага аналізу ПВУ ААТ «Мілкавіта» Ніна ЧЭКАН і Таццяна КАРАТКЕВІЧ.

Падзяка раённага Савета дэпутатаў аб’яўлена машыністу аміячна-халадзільных установак ПВУ ААТ «Мілкавіта» Юрыю НОВІКУ.

За багаты назапашаны прафесійны вопыт, захаванне і прымнажэнне лепшых традыцый у арганізацыі вытворчай дзейнасці, вялікі ўклад у працэс станаўлення і мадэрнізацыі вытворчасці, кіравання тэхналагічнымі працэсамі, рэалізацыю намечаных планаў і пастаўленых задач, значны ўклад у развіццё малочнай галіны рэгіёну, адданасць і любоў да абранай справы, дзелавыя і чалавечыя якасці работнікаў, належную ўвагу да арганізацыі культурнага адпачынку працуючых і ветэранаў прадпрыемства, прапаганду здаровага ладу жыцця і цеснае ўзаемадзеянне з органамі мясцовага самакіравання Хойніцкага раёна Падзячны ліст раённага Савета дэпутатаў уручаны працоўнаму калектыву ПВУ ААТ «Мілкавіта» (начальнік Ірына Дашкевіч).

Алег ЗУБОК. Фота аўтара.



Добавить комментарий

Ваш адрес email не будет опубликован. Обязательные поля помечены *