Акрамя Дня Незалежнасці, 3 ліпеня ў нашай краіне адзначаецца яшчэ адна падзея – стварэнне дарожнай міліцыі Беларусі.
Яшчэ ў пяцідзясятыя гады супрацоўнік ДАІ быў узброены толькі міліцэйскім свістком і паласатым жэзлам, сёння ў яго распараджэнні – надзейныя сродкі сувязі, разнастайныя гаджэты і сучасныя аўтамабілі. Тым не менш і тады, і цяпер галоўная задача, якая стаіць перад гэтай службай, засталася нязменнай – ахоўваць спакой і парадак на дарогах.
Анатолій Кулакоўскі
Дзмітрый Валяваты
Эдуард Ціханенка
Аляксей Гаўрылаў
Дружны калектыў аддзялення ДАІ Хойніцкага РАУС – гэта сем супрацоўнікаў, якія дастойна нясуць службу, вядуць прафілактычную працу, накіраваную на мінімізацыю траўматызму ўсіх удзельнікаў дарожнага руху. Кожны супрацоўнік выдатна ведае свае абавязкі, кожны неабыякавы, кожны любіць сваю справу. У штаце чатыры інспектара ДПС: самы вопытны – Аляксандр Анісенка, «навічок» –Аляксей Гаўрылаў, а таксама Андрэй Гапоненка і Дзяніс Зубок, старшы дзяржаўтаінспектар Эдуард Ціханенка, старшы інспектар адміністрацыйнай практыкі Дзмітрый Валяваты. Кіруе аддзяленнем Анатолій Кулакоўскі.
Андрэй Гапоненка
Аляксандр Анісенка
Дзяніс Зубок
Нягледзячы на пасады і званні, кабінетных работнікаў тут няма. Бо сярод абавязкаў супрацоўнікаў ДАІ не толькі спыненне парушэнняў правілаў дарожнага руху, але і кантроль за ўтрыманнем дарог, захаваннем кіраўнікамі арганізацый патрабаванняў і стандартаў па бяспецы дарожнага руху, эксплуатацыі транспарту, а таксама ўзгадненне маршрутаў небяспечных грузаў, выдача тэхнічных заданняў на ўстаноўку знакаў, выяўленне месцаў канцэнтрацыі дарожна-транспартных здарэнняў, забеспячэнне грамадскага правапарадку.
Ад іх залежыць бяспека людзей, яны першыя прыходзяць на дапамогу ў час аварый і незалежна ад часу года і сутак «ловяць» парушальнікаў. Дзякуй вам, работнікі Дзяржаўтаінспекцыі, за тое, што на хойніцкіх дарогах парадак!
Вікторыя КАПІТАН, юнкар.
Фота Наталлі РЭВЯКА.
