Да рыб, занесеных у Чырвоную кнігу Беларусі, адносяцца сцерлядзь, сёмга, кумжа, фарэль ручаёвая, харыус еўрапейскі, сняток, рапушка, вусач звычайны, рыбец, падуст.
У адпаведнасці з п.6 арт.17 Закона Рэспублікі Беларусь “Аб жывёльным свеце” забараняецца самавольная здабыча дзікіх жывёл (у тым ліку аб’ектаў рыбалоўства), аднесеных да “чырвонакніжных” відаў, іх незаконны абарот, а таксама іншыя дзеянні, якія могуць прывесці да іх гібелі, скарачэння колькасці або парушэння асяроддзя іх знаходжання.
Памер аплаты шкоды, прынесенай навакольнаму асяроддзю фізічнымі і юрыдычнымі асобамі ў выніку знішчэння дзікіх жывёл, спаганяецца ў адпаведнасці з устаноўленымі заканадаўствам таксамі. Напрыклад, вусач будзе каштаваць браканьеру 12 базавых велічынь.
Брагінская міжраённая інспекцыя аховы жывёльнага і расліннага свету.