Пад такой назвай у аддзеле адукацыі райвыканкома адбыўся раённы дзіцячы конкурс чытальнікаў, прысвечаны 65-й гадавіне Перамогі ў Вялікай Айчыннай вайне і Дню беларускага пісьменства ў Хойніках. Мерапрыемства падрыхтавала і правяла метадыст раённага метадычнага кабінета Г.П. Валенчыц.
Навучэнцы ва ўзросце ад 12 да 17 гадоў з першай, другой і трэцяй гарадскіх сярэдніх школ, Судкоўскай і Казялужскай СШ, Паселіцкага дзіцячага сада-СШ, Слабажанскага і Веляцінскага дзіцячых садоў-БШ дэкламавалі мастацкія творы са спадчыны класікаў беларускай літаратуры, ураджэнцаў Гомельшчыны, а таксама творы сучасных аўтараў, нашых землякоў.
У намінацыі “проза” дыпломам першай ступені адзначана вучаніца 9 класа Казялужскай СШ Аксана Новікава, у намінацыі “паэзія” – вучаніца 10 класа СШ № 3 Юлія Салянка, другой і трэцяй ступені – выпускніца СШ № 2 Юлія Красоўская і васьмікласніца гэтай школы Ірына Гусакова.
Адзначана прызам і самая юная ўдзельніца конкурсу, вучаніца 5 класа Слабажанскага дзіцячага сада-БШ Алена Кузьменка.
Усе дыпламанты атрымалі ў падарунак кнігі Івана Мележа і Міколы Мятліцкага.
Свае вершы прачыталі настаўнікі Паселіцкага дзіцячага-сада СШ і Віцьеўскай сярэдняй школы І.Г. Сялецкая і Я.М. Валенчыц.
Пераможцы раённага конкурсу чытальнікаў А. Новікава і Ю. Салянка прымуць удзел у аналагічным абласным конкурсе, які адбудзецца 23 красавіка ў Гомелі.
Клаўдзія МІКАЛАЕВА.
