На Рэвалюцыйным выбарчым участку № 5 традыцыйна напярэдадні выбараў праходзіць пасяджэнне Клуба маладога выбаршчыка. Юнакі і дзяўчаты знаёмяцца з артыкуламі Выбарчага кодэкса Рэспублікі Беларусь, ім растлумачваюцца іх правы і абавязкі, уручаюцца памятныя сувеніры.
На здымку: на пасяджэнні Клуба навучэнцы вучылішча, якія галасавалі сёлета ўпершыню, Віктар Шэін, Аляксандр Германенка, Ягор Петух і Віктар Сідарэнка. Праводзяць пасяджэнне старшыня выбарчай камісіі, начальнік аддзела ідэалагічнай работы райвыканкома Ж.М. Чарняўская і сакратар, майстар вытворчага навучання ДПТВ-183 І.М. Курленка.
Фота Уладзіміра СЯМЕНАВА.