Раней піянерважаты, выхавальнік групы падоўжанага дня, настаўнік пачатковых класаў, а зараз Галіна Кананевіч выкладае беларускую мову і літаратуру ў Судкоўскай школе.
У дзень у гераіні максімальна бывае 8 урокаў. Не любіць ставіць вучням двойкі, падабаюцца толькі высокія балы.
1. Адшукайце, дзе тут схавалася памылка:
а) найбліжэйшы да дома прыпынак;
б) кавун смачней дыні;
в) больш складанае заданне.
2. Надбудова над будынкам, адкуль можна аглядзець наваколле, называецца…
а) пергала;
б) рызаліт;
в) бельведэр.
3. Што абазначае слоўца «анягож»?
а) няўжо (калі ўжываецца ў пытальных сказах);
б) а як жа; так; вядома (пры сцвярджэнні);
в) абодва варыянты адказу правільныя.
4. Выберыце варыянт з правільным націскам:
а) дачы́ста;
б) крапі́ва;
в) даўні́на.
5. Як называецца вялікае круглае акно на фасадах гатычных храмаў?
а) ружа;
б) партал;
в) разетка.
6. Часам на дзвярах у грамадскіх месцах вы заўважалі надпіс «К сабе». Як лічыце, ёсць тут памылка?
а) відавочна;
б) толькі так і правільна;
в) можна і «к сабе», і «да сябе».
7. Перакладзіце на беларускую мову слова «тележка»?
а) вазок;
б) цялежка;
в) кола.
8. Як называлася першая кніга Францыска Скарыны, надрукаваная ў Празе?
а) «Апостал»;
б) «Малая падарожная кніга»;
в) «Псалтыр».
9. Які з варыянтаў не адносіцца да самастойнай часціны мовы?
а) лічэбнік;
б) часціца;
в) займеннік.
10. У якім выпадку пішацца дзве літары «нн»?
а) Гліня_ы;
б) Скура_ы;
в) Стара_ы.
Правільныя адказы: 1 – б; 2 – в; 3 – в; 4 – а; 5 – а; 6 – в; 7 – а; 8 – в; 9 – б; 10 – в.
Сябры, калі вы справіліся з усімі пытаннямі – малайчыны! Калі правільна адказалі толькі на палову – вам трэба падцягнуць свае веды, але ж вы ўсё роўна малайчыны. Астатнія проста ставяць сабе «+» у карму за пройдзеную віктарыну.
Падрыхтавала Вікторыя МАРОЗ.
