З 10 кастрычніка ў раёне праходзіць месячнік па навядзенню парадку на зямлі. На замацаваных тэрыторыях ладна працуюць калектывы прадпрыемстваў і арганізацый. Не забываецца на свае абавязкі і камунальная служба – у буднія дні прыбіралі на гарадскіх вуліцах лісце.
Хойніцкія арганізацыі разам з сельгаспрадпрыемствамі прыводзяць у парадак участкі вясковых могілак. На Стралічаўскіх могілках актыўна вырубалі зараснікі акацый работнікі цэнтра гігіены і эпідэміялогіі, аддзела ўнутраных спраў райвыканкама, эксбазы «Стралічава».
Сёлета калектыў Хойніцкага раёна газазабеспячэння сваімі сіламі ўстанавіў агароджу на могілках в. Высокае. Новы драўляны плот пафарбавалі ў блакітны колер – здалёк відаць на фоне шэрых палёў добраўпарадкаваную тэрыторыю.
Па словах упраўляючага справамі Стралічаўскага сельвыканкама В.У. Пузырынай, якасна наводзяць парадак на Рудакоўскіх могілках работнікі ДРБУ-155.
Не заставайцеся і вы, паважаныя хайнічане, у баку ад справы па навядзенню парадку на нашай зямлі.
Алеся ЯЧЫЧЭНКА.
Фота аўтара.