Мы выбіраем нашу будучыню!
Начальнік аддзела ідэалагічнай работы, культуры і па справах моладзі райвыканкама Наталля Ешчанка сёння аддала свой голас на ўчастку для галасавання, які знаходзіцца ў гімназіі:
— Мяне перапаўняюць станоўчыя эмоцыі. Прыемна назіраць, як на датэрміновае галасаванне землякі ідуць сем’ямі, бабулі і дзядулі з унукамі, наша моладзь. У гэтыя дні мы выбіраем будучыню. Мы любім Беларусь, мы любім сваю малую радзіму. Ганарымся ўсімі дасягненнямі як краіны, так і нашага рэгіёну ў цэлым. Я галасую, каб нашы дзеці жылі ў мірнай і квітнеючай краіне.
