У апошнія дні лютага раённай арганізацыяй “Беларускае таварыства інвалідаў” у чытальнай зале дзіцячай раённай бібліятэкі быў арганізаваны шахматна-шашачны турнір сярод інвалідаў. Да гэтага мерапрыемства работнікі бібліятэкі Л.А. Ступакова і А.М. Мідзелоўская падрыхтавалі кніжную выстаўку аб вядомых шахматыстах свету і паведамілі цікавыя факты аб гэтай інтэлектуальнай гульні.
Спаборніцтвы праходзілі ў цёплай сяброўскай атмасферы, хаця часам на дошках разгараліся не жартоўныя баталіі. Арбітр Васілій Анісенка быў строгім і неперадузятым.
Сярод шашыстаў пераможцам выйшаў Д. Дордаль, другое месца заняў С. Мядзведзеў, трэцяе – В. Ступакоў. У шахматных паядынках па-ранейшаму няма роўных А. Данчанку. Другім быў В. Анісенка, трэцім – М. Смольскі. Усім пераможцам уручаны Дыпломы і памятныя сувеніры.
Т. ПРАКОШЫНА, старшыня РА “Беларускае таварыства інвалідаў”.