Натанцавалі на два дыпломы
У Нацыянальным дзіцячым адукацыйна-аздараўленчым цэнтры «Зубраня» адбыўся XVII рэспубліканскі конкурс харэаграфічнага мастацтва «Юныя таленты Беларусі».
Прадэманстраваць свае харэаграфічныя здольнасці і артыстызм на галоўнай сцэне цэнтра змаглі юныя танцоры з усёй рэспублікі. Удзельнікі ўзорнага ансамбля эстраднага танца «Драйв» (мастацкі кіраўнік Алена Ляснічая) таксама прынялі ўдзел у такім маштабным конкурсе. І без дыпломаў не засталіся.
Так, у намінацыі «Эстрадны танец» (узроставая катэгорыя 14-16 гадоў) танец «Весёлые строители» заняў 2 месца, у той жа намінацыі, толькі ва ўзроставай катэгорыі 12-13 гадоў, танец «По барабану» стаў трэцім.
У хуткім часе да гэтых узнагарод дабавілася яшчэ адна: удзельнікі «Драйва» з танцам «Девчата» (намінацыя «Народны стылізаваны танец») занялі першае месца ў VI Міжнародным фестывалі-конкурсе «Творчасць без межаў» (дыстанцыйная форма ўдзелу).
Ул. інф.
